MD: "ბარსელონა" ვილიანის შეძენას გამორიცხავს

ლონდონის "ჩელსის" ბრაზილიელი გარემარბი, ვილიანი, მომდევნო სეზონში "ბარსელონას" არ შეუერთდება, წერს Mundo Deportivo.

ვილიანს "ლურჯებთან" მოქმედი ხელშეკრულება წელს უსრულდება. დღეს, Sky Sports-მა იუწყა, რომ "ბარსელონა" ფეხბურთელს 3-წლიან კონტრაქტს სთავაზობს, თუმცა კატალონიური გამოცემა ამ ინფორმაციას უარყოფს.

ვილიანი აგვისტოში 32 წლის ხდება. მან 2019-20 წლების სეზონში ჩატარებულ 47 შეხვედრაში საკუთარ გუნდს 11 გოლი და 9 შედეგიანი გადაცემა შესძინა.