"ბარსელონას" დირექტორების გადამწყვეტი შეხვედრა [განახლებადი]

დღეს, "ბარსელონასთვის" მნიშვნელოვანი სამუშაო დღეა. კატალონიური კლუბის ბორდის წევრები მართავენ შეხვედრას, რომელზეც მთავარი მწვრთნელისა და თანამდებობის სხვა პირების ცვლილების საკითხი უნდა გადაწყდეს.

წარმოგიდგენთ სიახლეებს შეხვედრიდან და მედიაში გავრცელებულ ინფორმაციებს შეხვედრის პარალელურად (საქართველოს დროით).

• 19:10 - ჟოზეპ მარია ბართომეუმ შეხვედრა დატოვა. 

[media=https://twitter.com/Marta_Ramon/status/1295378473536675843]

• 18:00 - შეხვედრა დასრულდა [ARA]. მიღებულ გადაწყვეტილებებს (სეტიენის გაშვება, ვადამდელი არჩევნები, ბევრი ფეხბურთელის გაყიდვა) ჟოზეპ მარია ბართომეუ ინტერვიუების საშუალებით გაგვაცნობს. 

• 17:00 - შეხვედრის დაწყებიდან 4 საათის შემდეგ, ბორდის წევრები შესვენებაზე გავიდნენ. ისინი სხდომის განახლებამდე სუშის მირთმევას აპირებენ. [Cope]

• კუმანის დანიშვნამდე მხოლოდ კონტრაქტის ოფიციალურად გაფორმებაა დარჩენილი. ფაბრიციო რომანოს ცნობით, კლუბი განცხადებას ამ კვირაში გააკეთებს. 

• პანდემიის გამო, არჩევნების 2021 წლის მარტამდე გამართვა გამოირიცხა; მთავარ მწვრთნელად რონალდ კუმანი ინიშნება. [Fox]

• 16:40 - ოსკარ გრაუმ ("ბარსელონას" გენერალური დირექტორი) შეხვედრა დატოვა. [Cope]

• მედიის დიდი ნაწილი ადასტურებს, რომ "ბარსელონას" მწვრთნელის პოსტს რონალდ კუმანი დაიკავებს. 

• 16:15 - ერიკ აბიდალის გათავისუფლების გადაწყვეტილება უკვე მიღებულია. [Sport]

• 15:10 - ბორდის შეხვედრა ჩვენი დროით საღამომდე გაგრძელდება. მწვრთნელის ცვლილებისა და ვადამდელი არჩევნების შესახებ გადაწყვეტილება ცნობილი სხდომის შემდეგ, ოფიციალური განცხადებით გახდებბა. [მარტა რამონი, RAC1]

• ოფისში მისვლის დროს, გულშემატკივრები ჟოზეპ მარია ბართომეუს უსტვენდნენ და შეურაცხყოფას აყენებდნენ. მათი სურვილი პრეზიდენტის გადადგომაა და არა უბრალოდ მწვრთნელის ცვლილება. [Cope] 

• 13:15 - ბორდის შეხვედრა დაიწყო. სეტიენის გაშვებასთან დაკავშირებით აზრი არ იყოფა, მაგრამ დირექტორები ახალ მწვრთნელზე ვერ თანხმდებიან. მათ ნაწილს "ბარსა ბ"-ს მწვრთნელის, გარსია პიმიენტას დანიშვნა სურს, პრეზიდენტს კი - რონალდ კუმანის. პოჩეტინოს კანდიდატურა გამოირიცხა. [Cope]

• "ბარსელონას" ხელმძღვანელების სურვილი კიკე სეტიენთან კონტრაქტის გაწყვეტა და რონალდ კუმანთან 2-წლიანი ხელშეკრულების გაფორმებაა. Sport-ის ინფორმაციით, ეს მარტივად არ გამოვა: კუმანს 3-წლიანი კონტრაქტი უნდა. 

• კუმანი და "ბარსელონა" შეთანხმებასთან ახლოს არიან. ჰოლანდიელი სპეციალისტი 2-წლიან კონტრაქტს გააფორმებს, თუმცა მეორე სეზონში პირობებს კლუბის ახალი პრეზიდენტი შეადგენს. [MD]

• 13:00 - ჟოზეპ მარია ბართომეუ კლუბის ოფისში გამოცხადდა [RAC1]. 

[media=https://twitter.com/BUclipsandvids/status/1295284497655582720]