კუმანის 3 მთავარი სატრანსფერო სამიზნე ცნობილია

ცნობილია, რომ "ბარსელონაში" დიდი ცვლილებები იგეგმება. ეს კლუბმა ოფიციალურად დააანონსა და გავრცელებული ცნობებით, სერიოზული ცვლილებების მომხრეა გუნდის ახალი მწვრთნელი რონალდ კუმანიც.

ცოტა ხნის წინ ჰოლანდიელმა სპეციალისტმა განაცხადა, რომ ის ბევრი ფეხბურთელის დამატებას არ ელის. AS კი იუწყება, რომ კუმანს რაც შეიძლება მეტი ცვლილება სურს, თუმცა მას 3 ტრანსფერი განსაკუთრებით აქვს გამოყოფილი.

მადრიდული გამოცემის ცნობით, კუმანს მნიშვნელოვანი ცვლილება როგორც თავდასხმისა და ნახევარდაცვის, ასევე დაცვის ხაზში სურს. მისი ფავორიტები კი ლაუტარო მარტინესი, დონი ვან დე ბეეკი და ერიკ გარსია არიან.