მესი ბართომეუსთან შეხვედრაზე კვლავ უარს ამბობს
მესისა და ბართომეუს დაპირისპირება ჭადრაკის თამაშს დაემსგავსა, სადაც მხარეები სვლებს რიგრიგობით აკეთებენ. თამაშს მთელი მსოფლიო ადევნებს თვალყურს და სრული უმრავლესობა ლიონელ მესისკენ იხრება.
ბართომეუმ მესისთან შეხვედრა მოისურვა, მაგრამ ლეომ ამაზე უარი განაცხადა, ყველაფერი გასაგებია, ყველაფერი ცხადია, "ბარსა" ჩვეულებრივ კლუბად იქცა და მესი ამაში ბართომეუს ადანაშაულებს. არა მხოლოდ მესი, ვისაც კი ოდნავი წარმოდგენა მაინც აქვს, რა ხდებოდა კლუბში ბოლო წლების განმავლობაში, ყველამ იცის, რომ ამ კაცმა გუნდი ეტაპობრივად და ნაწილ-ნაწილ დაშალა.
როგორც Marca იუწყება, მესი ვარჯიშის განახლებას აპირებს და PCR ტესტსაც აუცილებლად გაივლის, მაგრამ გუნდიდან წასვლის შესახებ გადაწყვეტილება არ შეუცვლია. ახლა მას, მხოლოდ კონტრაქტი აკავებს, რომლის განსახილველადაც FIFA-ს და UEFA-ს მიმართა, კონტრაქტის სირთულიდან გამომდინარე, საქმეში ესპანეთის სასამართლოც იქნება ჩართული.
ამ სიახლეზე კომენტარები გათიშულია.
კომენტარები [ 3 ]