ლარსონს სუარესის ჩამნაცვლებლად მუსა დემბელე სურს

მოგეხსენებათ, "ბარსელონას" ახალმა მთავარმა მწვრთნელმა, რონალდ კუმანმა ლუის სუარესს შეატყობინა, რომ მომავალი სეზონისთვის ის კლუბის გეგმებში არ შედის.

ცნობილი ჟურნალისტის, ჯანლუკა დი მარციოს ინფორმაციით, ნიდერლანდელი სპეციალისტის ასისტენტი, ჰენრიკ ლარსონი "ლიონის" შემტევის, მუსა დემბელეს ტრანსფერზე მუშაობს, რომელიც სწორედ ურუგვაელის შემცვლელად განიხილება.

წყაროს თანახმად, 24 წლის თავდამსხმელი სწორედ შვედის რჩეულია და ცოტა ხნის წინ მასთან კონტაქტიც ჰქონდა. თავის მხრივ, რუდი გარსიას გუნდი ფრანგის გაყიდვაზე თანახმაა, რათა COVID-19-ის მიერ მიყენებული კრიზისი აინაზღაუროს.