AS: კუმანის "ბარსელონაში", შესაძლოა, რიკი პუჩის ადგილი არ მოიძებნოს

Diario AS-ის ინფორმაციით, "ბარსელონას" ახალგაზრდა ნახევარმცველი, რიკი პუჩი, თავის მომავალზე ღელავს. 

რონალდ კუმანს თავის ახალ სათამაშო სქემაში პუჩის შესაფერისი ადგილი არ აქვს - მიუხედავად იმისა, რომ ესპანელმა ფეხბურთელმა სეზონის პირველ მატჩში კარგად ითამაშა, 2-საყრდენიანი განლაგება მისთვის იდეალური არ არის. ამის გათვალისწინებით, გამორიცხული არაა, 21 წლის შუახაზელს ამ სეზონში გუნდის შემადგენლობაში ადგილის დამკვიდრება გაუჭირდეს. 

წყაროს ცნობით, პუჩმა პრობლემის შესახებ იცის და ეცდება, თავისი შესაძლებლობები მაქსიმალურად გამოავლინოს.