Ser: ფეხბურთელები ვარჯიშის ტემპით გაკვირვებულები არიან

რონალდ კუმანი "ბარსელონაში" 2020/21 წლების სეზონის დასაწყისში დაინიშნა და საქმეს თავიდანვე სერიოზულად მოეკიდა - ჰოლანდიელმა სპეციალისტმა ვარჯიშის სტილი შეცვალა, ფიზიკური დატვირთვა გაზარდა, ამხანაგურ მატჩებში ბევრი ფეხბურთელი გამოსცადა და განაცხადა, რომ სურს, ლა ლიგის სტარტს გუნდი საუკეთესო ფორმაში შეხვდეს. 

Cadena Ser-ის ინფორმაციით, ფეხბურთელები კუმანის სავარჯიშო სესიების ინტენსივობით სასიამოვნოდ გაოცებულები არიან. ერთ-ერთმა მათგანმა ისიც კი თქვა, რომ "ბარსელონას" მოთამაშეებს ვარჯიშებზე ამხელა დატვირთვა უკვე წლებია, არ მიუღიათ. 

ამასთან ერთად, რონალდ კუმანმა სესიის დასაწყისში რონდოს თამაშის ტრადიცია შეცვალა და ამის ნაცვლად, ფეხბურთელებს ფიზიკურად ავარჯიშებს.