მემფის დეპაი: სამწუხაროა, რომ "ბარსელონაში" ტრანსფერი ჩაიშალა

ნიდერლანდელმა შემტევმა მემფის დეპაიმ "ბარსელონას" ინტერესი საჯაროდ დაადასტურა და იმედი გამოთქვა, რომ კატალონიური კლუბი მისი დამატების სურვილს კიდევ გამოთქვამს.

"ტრანსფერი თითქმის დასრულებული იყო, მაგრამ გარკვეულმა რეგულაციებმა ის შეაჩერეს, სამწუხაროა.

ვფიქრობ, თუ ჩემი საქმის კარგად კეთებას განვაგრძობ, ინტერესი კვლავ გაჩნდება." - განაცხადა დეპაიმ ნიდერლანდების ნაკრების გუშინდელი თამაშის შემდეგ, NOS Sprort-თან საუბრისას.

გავრცელებული ინფორმაციით, მემფის დეპაის "ლიონიდან" "ბარსელონაში" გადასვლა ყველა მხარესთან შეთანხმებული იყო, მაგრამ ლა ლიგამ "ბლაუგრანას" ფეხბურთელის დარეგისტრირების უფლება არ მისცა, რისი მიზეზიც სახელფასო ბიუჯეტზე არსებული შეზღუდვებია.