დიმიტარ ბერბატოვი: ბოლო თამაშებში ისევ ძველი მესი ვიხილე
"მანჩესტერ იუნაიტედის" ყოფილმა თავდამსხმელმა, დიმიტარ ბერბატოვმა, Betfair-თან რუბრიკაში ლიონელ მესის "ფერენცვაროშთან" თამაში მიმოიხილა:
"ბოლო თამაშების მიხედვით, ვამჩნევ, რომ ძველი მესი დაბრუნდა. მისი პასის შესაძლებლობა, კრეატიულობა და საფრთხის შექმნის უნარი ნამდვილად შესამჩნევია."
"მომწონს, თუ როგორ ეწყობა ის ანსუ ფატისა და ფილიპე კოუტინიოს. მიუხედავად იმისა, რომ მესი არის მესი, "ბარსას" მხოლოდ ის არ წარმოადგენს. მის გვერდით კიდევ 10 თანაგუნდელია."
ლიონელ მესის სეზონის სტარტი საკმაოდ მძიმე ჰქონდა. კლუბთან არსებული უთანხმოების გარდა, რაც მის სათამაშო ფორმაზეც აისახა, ახალ, ცენტრალური თავდამსხმელის პოზიციაზე თამაში მცირედით გაუჭირდა. ნელ-ნელა ეს პრობლემები აღმოიფხვრა და მესიმ "ფერენცვაროშთან" მაღალი დონის პერფორმანსიც შემოგვთავაზა. ამ სეზონში არგენტინელის ანგარიშზე 2 გოლი და 3 საგოლე გადაცემაა.
ამ სიახლეზე კომენტარები გათიშულია.
კომენტარები [ 1 ]