მამა ლაუდრუპის ვიდეოებს მირთავდა, მე კი სულ ინიესტას ვუყურებდი - პედრი

"ჩემი აქ მოსვლის პირველ დღეს ლიონელ მესი მომიახლოვდა და მითხრა: "კეთილი იყოს შენი ბარსელონაში მობრძანება". შესანიშნავია, როდესაც ადამიანს, რომელსაც თვალს ტელევიზორში ადევნებდი, შენს გვერდით ხედავ. თითქოს არგენტინელი მაღალ დონეს გაჩვევს, მაგრამ მაინც ყოველჯერზე გაოცებს.

კლუბში ბევრი მოთამაშეა, რომელიც 30 წელსაა გადაცილებული. ხანდახან მათთან ვკამათობთ, თუმცა ხშირად ვხუმრობთ და ვიცინით, რაც კარგ ატმოსფეროს ქმნის.

ანსუს ტრავმა ყველასთვის ცუდია, თუმცა ის მალე გამოჯანმრთელდება. მას ვუთხარი, რომ მალე დაბრუნდეს, რათა ერთად, მოედანზე და მოედანს მიღმა, სიამოვნება მივიღოთ.

ვისტრესები თუ არა? 17 წლის ბიჭისათვის საუკეთესო გამოსავალი უსიამოვნებების თავიდან აცილებაა. კარგია, როცა ზეწოლას უგულებელყოფ და მუშაობას აგრძელებ.

მამაჩემი ბავშვობაში ლაუდრუპის ვიდეოებს მაყურებინებდა და მეუბნებოდა: "ნახე, რა გააკეთა?". თუმცა, მე ყოველთვის ინიესტას ვუყურებდი. 

ჩემმა მშობლებმა იცოდნენ, რომ "ბარსას" ჩემი გაფორმება სურდა, თუმცა დამიმალეს, რადგან "ლას პალმასის" რიგებში მატჩი მქონდა. როდესაც ამის შესახებ გავიგე, მათ ვთხოვე, რომ ყველა შეთავაზება დაებლოკათ, რადგან პატარაობიდან, ჩემი ოცნება ამ კლუბში თამაშია".