დემბელე ახალი კონტრაქტის გაფორმებას არ ჩქარობს
უსმან დემებელეს კატალონიური მომავალი ისევ კითხვის ნიშნის ქვეშაა, რადგან ახალგაზრდა ტალანტი კონტრაქტის გახანგრძლივებას ჯერ არ აპირებს.
რონალდ კუმანის ხელში დემბელე ფორმაში აშკარად შედის. მიმდინარე სეზონში 23 წლის ფეხბურთელს ჯერ არც ტრავმა მიუღია და მისი თამაშიც დამაკმაყოფილებელია.
უსმანს "ბარსელონასთან" კონტრაქტი 2022 წლის ზაფხულში ეწურება. ეს ნიშნავს, რომ კატალონიურმა კლუბმა მასთან ახალი ხელშეკრულების გაფორმება უნდა იჩქაროს, ან ფეხბურთელი მიმდინარე სეზონის ბოლოს გაყიდოს.
ბოლო თვეებში დემბელეს "ბარსელონადან" შესაძლო წასვლაზე არაერთხელ დაიწერა. ზოგი ცნობით ამის სურვილი კლუბს ჰქონდა, ზოგი ჟურნალისტი კი ირწმუნებოდა, რომ თავად ფეხბურთელს.
Gol-ის მიერ გავრცელებულ ბოლო ინფორმაციას თუ დავუჯერებთ, დემბელეს "ბარსელონასთან" ახალი კონტრაქტის გაფორმება ჯერ კიდევ არ აქვს გადაწყვეტილი და ის ახალი პრეზიდენტის არჩევას ელოდება.
ამ სიახლეზე კომენტარები გათიშულია.
კომენტარები [ 7 ]