ფილიპე კოუტინიო: მესმის, რომ ისე ვერ ვთამაშობ, როგორც ჩემგან მოელიან

ჩვენ განახლების პერიოდში ვართ, მწვრთნელი ორჯერ შეიცვალა, რამდენიმე მნიშვნელოვანი ფეხბურთელი წავიდა. ამიტომაც მოთმინება გვმართებს. და ჩვენ, ვინც კლუბში ვართ, ვაკეთებთ ყველაფერს, რათა თამაში, რაც შეიძლება, მალე გავაუმჯობესოთ.

ნებისმიერი წაგება არასასიამოვნოა, ცოტათი იმედგაცრუებულები ვართ, მაგრამ სიტუაციის შემობრუნებისთვის ვიბრძვით. 

რა თქმა უნდა, მესმის, რომ ისე ვერ ვთამაშობ, როგორც ჩემგან მოელიან, ამაზე ყველაზე მეტად მე ვბრაზობ. "ბარსა" მუდმივად ყურადღების ცენტრშია. ჩემი მენტალური და ფიზიკური მდგომარეობის გამოსწორებაზე ვმუშაობდი, ახლა თავს უკეთ ვგრძნობ.

"ბარსაში" გატარებული პირველი ორი სეზონის დროს მივხვდი, რომ ფიზიკურად უფრო ძლიერი უნდა გავმხდარიყავი, ამიტომაც სავარჯიშო გეგმა შევცვალე. ამან იმუშავა და რთული პერიოდის დაძლევაში დამეხმარა.