38-მატჩიანი დაუმარცხებელი სერიის დასასრული

"იუვენტუსის" მიერ კატალონიელთა დამარცხება "ბლაუგრანასთვის" სატურნირო და პრინციპული ამბიციების გარდა, სამწუხარო კიდევ ერთი მიზეზით იყო.

"ბებერმა ქალბატონმა" კატალონიელებს ჩემპიონთა ლიგაზე საშინაო კედლებში დაუმარცხებელი 38-მატჩიანი სერია შეუწყვიტა.

ამ მაჩვენებლით "ბარსა" რეკორდსმენია და უახლოეს კონკურენტს, მიუნხენის "ბაიერნს", (რომელსაც 1998-2002 წლებში 29-მატჩიანი სერია ჰქონდა) საგრძნობი სხვაობით უსწრებს.

ტურინელებთან მარცხამდე "ბარსელონამ" "კამპ ნოუზე" ბოლოს 2013 წლის ჩემპიონთა ლიგის ნახევარფინალში "ბაიერნთან" წააგო. "რეკორდმაისტერმა" "ბარსა" მაშინაც ანალოგიური ანგარიშით, 3-0 დაამარცხა.

ასეთივე სტაბილური შედეგის დაფიქსირება ურთულესი იქნება. რონალდ კუმანს ან გუნდის სხვა ახალ თავკაცს ამაზე ზრუნვა 2021 წლის თებერვლიდან მოუწევს.