"ბარსამ" "სანტოსს" სასამართლოში მოუგო

"ბარსელონასა" და "სანტოსის" დავა 2016 წელს გაბრიელ ბარბოსას ტრანსფერთან დაკავშირებით დაიწყო. კატალონიურ და ბრაზილიურ კლუბებს შეთანხმება უკვე მიღწეული ჰქონდათ, რის თანახმადაც, "ბლაუგრანას" შემტევის უპირატესი შესყიდვის უფლება ჰქონდა.

29 აგვისტოს, "სანტოსმა" "ბარსელონას" გაუგზავნა წერილი, რომელშიც ეწერა, რომ ფეხბურთელით "ინტერი" იყო დაინტერესებული და თუ "ლურჯ-ბროწეულისფერებს" მისი შეძენა სურდათ, მოქმედებისთვის 3 დღე ჰქონდათ. მე-2 დღეს, როდესაც "ბარსას" პასუხი გაგზავნილი არ ჰქონდა, ოფიციალურად დადასტურდა, რომ გაბიგოლი "ინტერის" ფეხბურთელი გახდა.

კატალონიურ კლუბმა "სანტოსს" სპორტული საარბიტრაჟო სასამართლოში უჩივლა და დღეს, Cadena SER-მა გაავრცელა ინფორმაცია, რომ "ბარსამ" პროცესი მოიგო - ბრაზილიელებს 2,9 მილიონი ევროს გადახდა დაეკისრათ.