Sport: ლარსონი ბრეითუეიტის პროფესიონალიზმით მოხიბლულია

"ბარსელონას" სამწვრთნელო შტაბის წევრი, ჰენრიკ ლარსონი, გუნდის დანიელი შემტევის, მარტინ ბრეითუეიტის მიერ გამოჩენილი პროფესიონალიზმით მოხიბლულია, წერს Sport.

ბრეითუეიტი ვარჯიშებსა და მატჩებში ბოლომდე იხარჯება. მარტინმა ინდივიდუალური ფიტნესინსტრუქტორიც აიყვანა, რათა იდეალური ფიზიკური კონდიცია შეინარჩუნოს. მის მონდომებას შედეგი მოაქვს - იგი ძირითადი შემადგენლობის წევრი გახდა. 

მიმდინარე სეზონში, ჩატარებულ 17 მატჩში, მის ანგარიშზე 5 გოლი და 2 ასისტია.