ოფიციალურად: ბარსელონა და ხეტაფე ალენიას ტრანსფერზე შეთანხმდნენ

კატალონიის "ბარსელონა" ოფიციალურად ადასტურებს, რომ კარლეს ალენიას იჯარის თაობაზე "ხეტაფესთან" შეთანხმება შედგა.

ახალგაზრდა ნახევარმცველი მადრიდულ კლუბში 2020/21 წლებს სეზონის დასრულებამდე დარჩება.

22 წლის ფეხბურთელმა "ლურჯ-ბროწეულისფერთა" მაისურით, პირველ გუნდში, სულ 43 შეხვედრა ჩაატარა, ამ პერიოდში კი გოლით თავის გამოჩენა 3-ჯერ შეძლო.

"ლა მასიელის" დებიუტი 2016/17 წლებში, კოპა დელ რეიზე შედგა, რაც მატჩში ერთადერთი გოლის გატანით აღნიშნა. 2019/20 წლების სეზონში ალენია "ბეტისს" იჯარის წესით შუერთდა, სადაც მონაწილეობა 19 მატჩში მიიღო.