ოსკარ მინგესას სატრანსფერო ღირებულება რეკორდულად გაიზარდა

"ბარსელონას" 21 წლის ესპანელი მცველის, ოსკარ მინგესას საბაზრო ღირებულება რამდენიმე თვეში რეკორდულად გაიზარდა. სეზონის დასაწყისში მინგესა უბრალოდ "ბარსელონა ბ-ს" მოთამაშე გახლდათ, Transfermarkt კი მას მხოლოდ 200 000 ევროდ აფასებდა.

ამის შემდეგ, ცენტრალური მცველის საბაზრო ღირებულება 2400%-ით გაიზარდა და 2021 წლის იანვრის მონაცემებით - 5 მილიონ ევროს შეადგენს. 2020 წლის დეკემბერში მინგესას ფასი 3 მილიონი ევრო იყო, ერთ თვეში კი 2 მილიონი ევროთი გაიზარდა.

ახალგაზრდა ესპანელი ახლა "ბარსელონა ბ-ს" ყველაზე ძვირადღირებული მოთამაშეა, ილაი მორიბასთან და ალექს კოლიადოსთან ერთად, მიმდინარე სეზონში მცველმა პირველ გუნდში უკვე 16 ოფიციალური შეხვედრა ჩაატარა.