ჟუნიორ ფირპოსა და მარტინ ბრეითუეიტის მიმართ ინტერესი ინგლისურმა კლუბებმა გამოხატეს

RAC1-ის მიერ გავრცელებული ინფორმაციის თანახმად, ლონდონის "არსენალი" კატალონიის "ბარსელონას" მარცხენა მცველით, ჟუნიორ ფირპოთი ინტერესდება.

წყაროს ცნობით, "მეთოფეთა" წარმომადგენლები "ლურჯ-ბროწეულისფერებს" გუშინ დაუკავშირდნენ, თუმცა დამატებითი დეტალები, ჯერჯერობით, არ ვიცით.

როგორც კატალონიური გამოცემა იტყობინება, ინგლისიდან ინტერესი მარტინ ბრეითუეიტის მიმართაც არსებობს, მაგრამ კონკრეტული კლუბი არ სახელდება.

შეგახსენებთ, როგორც ადრე Marca-მ გვაუწყა, ვინაიდან "მანჩესტერ სიტიდან" ერიკ გარსიას ტრანსფერი ზაფხულამდე გადაიდო, "ბარსას" თავკაცი, რონალდ კუმანი ფირპოს გაშვებას არ აპირებს. თანაც, ზამთრის სატრანსფერო ფანჯარა უკვე დაიხურა.