"ბარსელონამ" ნეტუს ფასი დაადო - AS

"ბარსელონა" მომდევნო ზაფხულში გუნდის ბრაზილიელ მეკარესთან, ნეტუსთან განსაშორებლად მზად იქნება. ეს უკვე ცნობილია რამდენიმე დღის წინ გასაჯაროებული დოკუმენტიდან, სადაც საუბარი "ბლაუგრანას" სატრანსფერო გეგმებზეა, მათ შორის 31 წლის კარის დარაჯის გაშვებაზეც.

დღეს გავრცელდა ინფორმაცია იმასთან დაკავშირებით, თუ რამდენად შეელევა "ბარსელონა" ნეტუს. AS-ის ცნობით, კატალონიური კლუბი ბრაზილიელის სანაცვლოდ მინიმუმ 15 მილიონ ევროს მოითხოვს. "ლურჯ-ბროწეულისფერები" ფეხბურთელის უფრო იაფად გაყიდვას არ აპირებენ.

გავრცელებული ცნობებით, ნეტუმ კლუბს იანვარში გაშვება სთოხვა, თუმცა "ბლაუგრანამ" მოთამაშის ზამთარში გაშვებაზე უარი თქვა.

ცნობისთვის, ნეტუმ მიმდინარე სეზონში 11 მატჩი ჩაატარა და 8 გოლი გაუშვა. მან კარი მშრალად 5-ჯერ შეინახა.