რონალდ კუმანის პრესკონფერენცია
"ბარსელონას" მთავარი მწვრთნელი, რონალდ კუმანი, "ალავესთან" მატჩის წინ პრესკონფერენციას მართავს.
ამ წუთისთვის ხვალინდელი თამაში უფრო მნიშვნელოვანია, ვიდრე სამშაბათის [პსჟ-სთან]. ყველა თამაშს დიდი დატვირთვა აქვს და ჩვენი მიზანია, ლა ლიგაში წარმატებული სერია კიდევ ერთი გამარჯვებით გავაგრძელოთ.
ნეიმარი? როგორც ვიცი, ნეიმარი "ალავესის" ფეხბურთელი არაა. მასზე ორშაბათს მკითხეთ.
ერიკ გარსია? მე ადრე ვთქვი, რომ მისი დამატება გვჭირდებოდა, მაგრამ კლუბის ნებისმიერ გადაწყვეტილებას პატივს ვცემ. ჩვენი მიზნებისთვის ბრძოლას ამჟამინდელი რესურსებით გავაგრძელებთ, თუმცა დაცვის ხაზზე მეტი ფეხბურთელი გვჭირდება. ბოლო დროს დაცვაში არ გვიმართლებს.
ჟერარ პიკე თავის სიტყვებზე პასუხს ყოველთვის აგებს, მაგრამ ასეთ თემებზე საუბარს [პიკემ ლა ლიგის მსაჯები გააკრიტიკა] პრობლემები მოყვება, ამიტომ სიფრთხილეა საჭირო.
ალბას ეპიზოდი სევილიაში? პენალტი იყო, ნამდვილად არ ვიცი, რატომ არ ჩაერთო საქმეში VAR. დარღვევა აშკარად საჯარიმოში მოხდა.
"სევილიასთან" კარგად ვითამაშეთ. განმეორებითი შეხვედრაც თუ ასეთი იქნება, არ დავმარცხდებით. ჩვენს გუნდს "სევილიასთან" დომინირება ბევრ კომპონენტში შეუძლია, მაგრამ ამასთან ერთად იღბალიც საჭიროა.
კარგია, რომ ზედიზედ ბევრი საშინაო მატჩი გვაქვს. დასვენების საშუალება გვეძლევა და იმედი მაქვს, თანდათან სხვა ფეხბურთელებიც დაგვიბრუნდებიან.
დესტმა, პიანიჩმა და ბრეითუეიტმა დღეს ნაწილობრივ ივარჯიშეს. მალე ვნახავთ, მოხვდებიან თუ არა ხვალინდელ განაცხადში.
არაუხო და პიკე? სეზონის ბოლო მატჩი რომ იყოს, გარისკვა უფრო გამართლებული იქნებოდა, მაგრამ ასეთ დროს ამის მომხრე არ ვარ. ეს მოთამაშეები ეტაპობრივად უნდა გამოჯანმრთელდნენ, აჩქარება საჭირო არ არის. კარგი იქნება, თუ ისინი მალე დაბრუნდებიან.
"ბაიერნის" მიღწევა? "ბარსელონაში" გვარდიოლას შედეგი უფრო მომწონს. ეს ბევრად უფრო შთამბეჭდავი იყო. ნებისმიერ შემთხვევაში, 6 ტიტულის მოგება დიდი წარმატებაა.
დაახლოებით ერთ თვეში ან თვე-ნახევარში კარგად გამოჩნდება სად ვართ და რისი ამბიცია უნდა გვქონდეს.
უნდა გავაცნობიეროთ, რომ გუნდი იცვლება, შანსს ახალგაზრდა და ნიჭიერ ფეხბურთელებს ვაძლევთ. პედრიმ მაღალ დონეს საოცრად სწრაფად მიაღწია. როგორც წესი, ეს პროცესი უფრო ხანგრძლივია.
ტეგები
მსგავსი სიახლეები
გაწევრიანდი "ბარსელონას" გულშემატკივრების Facebook ჯგუფში
ინფორმაცია
ამ სიახლეზე კომენტარები გათიშულია.
ამ სიახლეზე კომენტარები გათიშულია.
კომენტარები [ 4 ]