გარსიამ ბარსაში გადასვლაზე თანხმობა განაცხადა | ფაბრიციო რომანო

გასული ზამთრის სატრანსფერო ფანჯარაზე კატალონიის "ბარსელონა" დაცვის ცენტრის გაძლიერებას ერიკ გარსიათი აპირებდა, თუმცა ფინანსური პრობლემების გამო, მისი ტრანსფერი ზაფხულამდე გადაიდო.

ახლა კი, ცნობილი იტალიელი ჟურნალისტის, ფაბრიციო რომანოს ინფორმაციით, 20 წლის ფეხბურთელმა ზაფხულში, თავისუფალი აგენტის სტატუსით მშობლიურ კლუბში დაბრუნებაზე თანხმობა ოფიციალურად განაცხადა.

ესპანელი უკანახაზელი "ბარსას" აკადემიაში 2008-2017 წლებში ირიცხებოდა, რის შემდეგაც "მანჩესტერ სიტიში" გადაბარგდა და პროფესიონალური კარიერაც ინგლისში დაიწყო. "ქალაქელებთან" მისი კონტრაქტი 2021 წლის ივნისში იწურება.