ლოთარ მათეუსი: მესი სხვა კლუბში ვერ წარმომიდგენია
წარსულში ცნობილმა გერმანელმა ფეხბურთელმა "ბარსელონას" ლიდერის, ლიონელ მესის მომავალთან დაკავშირებით კომენტარი გააკეთა.
ლეო მესის მოქმედი კონტრაქტის ვადა ზაფხულში ეწურება. არგენტინელის მომავალთან დაკავშირებით ჯერჯერობით დანამდვილებით მხოლოდ ის ვიცით, რომ იგი გადაწყვეტილებას მიმდინარე სეზონის ბოლოს მიიღებს.
მესი ჩემი ფავორიტი ფეხბურთელია... რობერტ ლევანდოვსკის შემდეგ.
"ბარსელონა" მესია, მესი კი "ბარსელონაა". ჩემთვის ის ფრანც ბეკენბაუერს ჰგავს, რომელმაც მთელი ცხოვრება "ბაიერნში" გაატარა.
"ბარსას" მოედანზე არაერთი პრობლემა აქვს. ამას ემატება ფინანსური კრიზისი. კატალონიელებმა ჩემპიონთა ლიგაზე პსჟ-სთან 1-4 წააგეს. ეს არაა რამდენიმე წლის წინანდელი "ბარსელონა", როდესაც გუნდს პეპ გვარდიოლა წვრთნიდა.
მესის მომავალი? ეს მან უნდა გადაწყვიტოს. ლეოს "ბარსელონაში" დარჩენას ვისურვებდი, რადგან მას სხვა კლუბში ვერ ვხედავ.
- ციტირებს მათეუსის სიტყვებს OneFootball.
ამ სიახლეზე კომენტარები გათიშულია.
კომენტარები [ 8 ]