პსჟ-ბარსელონა: მთავარი მსაჯი ცნობილია

ოთხშაბათს, "პარი სენ-ჟერმენთან" გასამართ დაპირისპირებას,  ენტონი ტეილორის ხელმძღვანელობით, ინგლისელ მსაჯთა ბრიგადა გაუძღვება.

აქამდე, 42 წლის ტეილორს "ბარსელონას" მხოლოდ ერთ შეხვედრაში უმსაჯია - 2017 წელს, ჩემპიონთა ლიგის ჯგუფურ ეტაპზე, "ოლიმპიაკოსის" წინააღმდეგ (0-0). ამ შეხვედრაში, ტეილორმა "ბარსას" ორი ფეხბურთელი გააფრთხილა (სერჟი რობერტო და ანდრე გომეში), "ოლიმპიაკოსიდან" კი - სამი.

რაც შეეხება პსჟ-ს, ინგლისელმა პარიზული კლუბის მონაწილეობით 4 მატჩში იმსაჯა, აქედან, პსჟ-მა ოთხივეს მოგება შეძლო: "რეალი" (3-0), "ატალანტა" (2-1), "შახტარი" (2-0), "დორტმუნდი" (2-0). მან "პარი სენ-ჟერმენის" ფეხბურთელებს ყვითელი ბარათი 11-ჯერ უჩვენა, მეტოქეს ყვითელი 14-ჯერ, წითელი კი - ერთხელ.

2013/14 წლების სეზონიდან მოყოლებული, ტეილორი ჩემპიონთა ლიგის ეგიდით გამართულ 22 მატჩში ვიხილეთ. ჯამში, მის "მონაგარს" 106 ყვითელი ბარათი და 6 გაძევება შეადგენს. აგრეთვე, ტეილორმა 2020 წლის UEFA-ს სუპერ თასზე იმსაჯა.

"პარკ დე პრენსზე" გასამართ მატჩში ტეილორის ასისტენტები სტიუარტ ეტველი (VAR), ადამ ნანი და გარი ბესვიკი იქნებიან.