რონალდ კუმანი უესკასთან მატჩის წინ
კატალონიის "ბარსელონას" თავკაცი, რონალდ კუმანი "უესკასთან" მატჩამდე პრესკონფერენციას მართავს:
ნაგელსმანი? გერმანელის მიერ ჩემთვის პატივისცემის მოთხოვნა ძალიან კარგი იყო.
ხვალ მოგება გვიწევს, რათა სატურნირო ცხრილში ლიდერს მივუახლოვდეთ. ეს მატჩი უნდა მოვიგოთ, როგორც ეს ადრე გავაკეთეთ.
გვყავს თუ არა სოლიდური გუნდი? ალბათ, ზურგს დიდი გამოცდილება გვიმაგრებს. ამ დონისთვის მიღწევა ადვილი არაა. ვფიქრობ, უფრო მნიშვნელოვანია, შეხვედრებისთვის მოვემზადოთ, ვიდრე - სხვებს ვუყუროთ. ჩავარდნა ყველა კლუბს აქვს.
ორშაბათ საღამოს ჩვენთვის თამაში უცნაური იქნება. სეზონის დასრულებამდე მარტივი მატჩები არ დარჩა, ამიტომ მყარად უნდა ვიდგეთ.
პრეზიდენტი ლაპორტა? ჯერჯერობით, მასთან ბევრი არ მისაუბრია. ამის შესაძლებლობა პარიზისაკენ მგზავრობისას გვქონდა.
მესისა და დე იონგს დისკვალიფიკაცია ემუქრებათ? ვიცით, რომ მათ მატჩის გამოტოვებამდე მხოლოდ 1 ბარათი აშორებთ, თუმცა ამაზე ფიქრი არ მსურს. ყველა თამაში მნიშვნელოვანია - ჩვენს თავზე ვართ დამოკიდებული. ყოველი შემდეგი შეხვედრა უმნიშვნელოვანესია.
"ატლეტიკომ" ქულების დაკარგვა დაიწყო? ყოველთვის ვამბობდი, რომ გრძელი სეზონი გველოდებოდა. პირველ ნახევარში მადრიდელებმა ბევრი ქულა მოაგროვეს, თუმცა ამ ფორმის მუდმივად შენარჩუნება რთულია.
პსჟ-ს წინააღმდეგ მატჩი? ძლიერი გუნდის წინააღმდეგ კარგად გამოვიყურებოდით. თუმცა, ის ეფექტურობა გვაკლდა, რაც "ბარსას" დონის გუნდს მოეთხოვება.
ახალგაზრდა ფეხბურთელებზე სალაპარაკო ბევრია, მაგრამ ასევე ვაფასებთ ისეთი გამოცდილი მოთამაშეების დონესა და გარჯას, როგორებიც ალბა, პიკე, ბუსკეტსი და სერჟი რობერტო არიან. "ბარსას" დიდი მომავალი აქვს.
ჟორდი კრუიფი? მას კარგად ვიცნობ, თუმცა ჯერჯერობით ვერაფერს ვიტყვი, რადგან ოფიციალურად დადასტურებული არაფერია.
მესის შეუძლია, ჩატარებული მატჩების რაოდენობით, ჩავის გაუთანაბრდეს, რაც შესანიშნავი მიღწევაა. ეს კარგად მეტყველებს იმაზე, თუ რამდენი გააკეთა ერნანდესმა კლუბისთვის და, ასევე, ეს აჩვენებს, რამდენად მნიშვნელოვანია ლეო "ბლაუგრანასთვის". ვიმედოვნებ, არგენტინელი ტიტულების მოგებას ჩვენთან განაგრძობს.
ტეგები
მსგავსი სიახლეები
გაწევრიანდი "ბარსელონას" გულშემატკივრების Facebook ჯგუფში
ინფორმაცია
ამ სიახლეზე კომენტარები გათიშულია.
ამ სიახლეზე კომენტარები გათიშულია.
კომენტარები [ 14 ]