ვალიადოლიდთან მატჩის შემადგენლობის 3 ვარიანტი

ხვალ, თბილისის დროით 23:00 საათზე, ლა ლიგის 29-ე ტურის მატჩში "ბარსელონა" "ვალიადოლიდს" უმასპინძლებს. ამ თამაშში კატალონიური გუნდის მთავარი ამოცანა იოლი მოგება და მოახლოებული "ელ კლასიკოსთვის" ძალების დაზოგვაა.

Tribuna "ვალიადოლიდთან" მატჩის შემადგენლობის 3 სავარაუდო ვარიანტს წარმოგვიდგენს:

ვარიანტი 1

შემადგენლობა: ტერ შტეგენი - მინგესა, არაუხო, ლანგლე - დესტი, ალბა, ბუსკეტსი, დე იონგი, პედრი - მესი, დემბელე.

• არაუხო უკვე სრულად გამოჯანმრთელებულია და შესაძლოა, დაცვის ცენტრში სწორედ ურუგვაელი მოგვევლინოს.
• კუმანის განცხადებით, იგი დე იონგის დასვენებას არ აპირებს, ეს კი იმაზე მიანიშნებს, რომ ნიდერლანდელი სპეციალისტი კვლავ 3-5-2 სქემით ითამაშებს.
• მესის შეტევაში, შესაძლოა, დემბელე შეუწყვილდეს, გრიზმანი კი სათადარიგოთა შორის დარჩეს.

ვარიანტი 2

შემადგენლობა: ტერ შტეგენი - მინგესა, არაუხო, ლანგლე - ს. რობერტო, ბუსკეტსი, ალბა, დე იონგი, პედრი - მესი, გრიზმანი.

• ამ შემთხვევაში შემადგენლობის პირველი ვარიანტისგან განსხვავება მხოლოდ ისაა, რომ სასტარტოში, შესაძლოა, დემბელეს ნაცვლად გრიზმანი ვიხილოთ, დესტი კი სათადარიგოთა სკამზე დარჩეს და მის ნაცვლად ახალგამოჯანმრთელებულმა სერჟი რობერტომ ითამაშოს.

ვარიანტი 3

შემადგენლობა: ტერ შტეგენი - მინგესა, დე იონგი, ლანგლე - დესტი, ბუსკეტსი, პედრი, ალბა - მესი, დემბელე, გრიზმანი.

• კუმანმა, შესაძლოა, გუნდი 3-4-3 ტაქტიკით ათამაშოს და მესის, გრიზმანისა და დემბელეს ტრიო სასტარტოში დააყენოს, დე იონგი კი ისევ ცენტრალურ მცველად განამწესოს.