ფლორენტინო პერესი: სუპერ ლიგა ბარსელონას დაეხმარება
მადრიდის "რეალისა" და ევროპის სუპერ ლიგის პრეზიდენტმა ფლორენტინო პერესმა El Chiringuito-სთან ახალი ევროპული სუპერ ტურნირის შექმნის შესახებ ინტერვიუ ჩაწერა და არაერთ საინტერესო საკითხზე ისაუბრა.
გვჯერა, რომ სუპერ ლიგა ჩემპიონთა ლიგის ნაცვლად კლუბებს დაკარგული შემოსავლების დაბრუნებაში დაეხმარება.
ფეხბურთი, ისევე, როგორც ყველაფერი ცხოვრებაში, განვითარდა. ინტერესი იკლებდა. ახალგაზრდები ინტერესს კარგავენ, რადგან უამრავი დაბალი დონის თამაშია. რაღაც უნდა გაკეთებულიყო.
უკეთესია, თუ ფული შემოვა. უფრო მეტი ფეხბურთელის შეძენას შევძლებთ. ასევე შევინარჩუნებთ სოლიდარობას მოკრძალებულ კლუბებთან.
"რეალმა" 400 მილიონი ევროთი იზარალა და ამისთვის არაფერი გაკეთებულა. სუპერ ლიგა კლუბებს ფინანსურად გადაარჩენს.
როდესაც არ გაქვთ შემოსავალი, გარდა სატელევიზიო უფლებებისა, უნდა იპოვოთ გამოსავალი უფრო სანახაობრივი მატჩების შესაქმნელად, რაც ფანებს დიდი კლუბების ერთმანეთის წინააღმდეგ თამაშის ხილვის საშუალებას მისცემს.
სუპერ ლიგა ფეხბურთის გადასარჩენად შევქმენით.
ფეხბურთი მსოფლიოს მასშტაბით უფრო სანახაობრივი უნდა გახდეს. მაგალითად, "მანჩესტერი"-"ბარსელონა" უფრო საინტერესო იქნება, ვიდრე "მანჩესტერის" თამაში რომელიმე უფრო პატარა გუნდის წინააღმდეგ.
UEFA გამჭვირვალე არაა, ეს მონოპოლიაა. ჩვენ მილიარდებს ვკარგავთ...
სუპერ ლიგაზე მოთამაშე ფეხბურთელებს მსოფლიო ჩემპიონატიდან არ მოკვეთენ. გარანტიას გაძლევთ.
ვერ დავასახელებ, მაგრამ ერთ-ერთმა კლუბმა 250 მილიონი ევრო დაკარგა. იყო 180-მილიონიანი ზარალიც.
"პარი სენ-ჟერმენი" სუპერ ლიგაში არ მოგვიწვევია. გერმანულ კლუბებთან არ გვისაუბრია. 12 კლუბი ვართ და გვინდა, 15 გავხდეთ. თუ "ბაიერნი" და პსჟ გაწევრიანებაზე უარს იტყვიან, სუპერ ლიგა არ გაუქმდება.
სუპერ ლიგა "ბარსელონას" დაეხმარება. ლაპორტას დარწმუნება არ გამჭირვებია.
იმედი მაქვს, მესი "ბარსაში" დარჩება.
სუპერ ლიგის პრეზიდენტობა? თუ გინდათ, ჩემს პოსტს ლაპორტას ხვალვე დავუთმობ. მე ამირჩიეს, რადგან 20-წლიანი გამოცდილება მაქვს.
ლაპორტა ტურნირის შექმნის იდეის განსამარტად ინტერვიუს სამშაბათს ჩაწერს.
როდესაც "ბარსელონა" "რეალს" უპირისპირდება, მთელი მსოფლიო ჩერდება და თამაშს უყურებს.
ყველაფერს გავაკეთებთ, რომ სუპერ ლიგა აგვისტოში დავიწყოთ.
თუ UEFA-ს უნდა, რომ ჩემპიონთა ლიგის ფორმირებისთვის 2024 წლამდე მოიცადოს, მას ამის გაკეთება შეუძლია. ჩვენ არავის ველოდებით და სუპერ ლიგა რაც შეიძლება მალე დაიწყება.
თუ ჩემპიონთა ლიგას მოიგებთ, UEFA-სგან 120-130 მილიონ ევროს მიიღებთ, თუმცა, სუპერ ლიგის წყალობით, ბევრად მეტს გამოიმუშავებთ.
შევეცდებით, სუპერ ლიგისთვის პროფესიონალური კრიტერიუმების გათვალისწინებით საუკეთესო მსაჯები შევარჩიოთ.
12-მა კლუბმა კონტრაქტი გააფორმა. ვერავინ დაგვტოვებს. ჩვენ ყველაფერს ერთად გავაკეთებთ.
ამ სიახლეზე კომენტარები გათიშულია.
კომენტარები [ 18 ]