დეპაის უარი იუვენტუსს - ნიდერლანდელს ბარსელონაში თამაში უნდა

მემფის დეპაის მომავალი კვლავ გაურკვეველია. ნიდერლანდელს "იუვენტუსი" იწვევს, მაგრამ მას "ბარსელონაში" თამაში სურს.

დეპაის სიტუაცია ძალიან ჰგავს სერხიო აგუეროსას - ზაფხულში ორივე თავისუფალი აგენტი ხდება და ორივეს "ბარსელონასა" და "იუვენტუსს" უკავშირებენ.

Mundo Deportivo-ს ცნობით ამ ორს კიდევ ერთი მსგავსება დაემატა - აგუეროს მსგავსად დეპაიმ "იუვენტუსს" უარი უთხრა და ის მზადაა "ბარსელონაში" უფრო დაბალ ხელფასს დასთანხმდეს. პრობლემა კი ისაა, რომ 27 წლის შემტევის დამატების თაობაზე "ბლაუგრანას" დირექტორთა საბჭოში ერთიანი პოზიცია არაა. ნიდერლანდელის ერთადერთი ლობისტი გუნდის მთავარი მწვრთნელი რონალდ კუმანია, ხელმძღვანელობის პრიორიტეტი კი სერხიო აგუეროა, რომლის მოსვლაც ლეო მესის დარჩენის შანსებს მნიშვნელოვნად გაზრდის.

მემფის დეპაი "ლიონში" 2017 წელს "მანჩესტერ იუნაიტედიდან" გადავიდა. ფრანგულ კლუბში მან 175 თამაში ჩაატარა და 74 გოლის გარდა თავი 52 საგოლე გადაცემითაც გამოიჩინა.