"ბარსელონა" კალიდუ კულიბალისთვის ბრძოლაში ჩაერთო

"ნაპოლის" ცენტრალურმა მცველმა, კალიდუ კულიბალიმ, შესაძლოა, იტალიური კლუბი დატოვოს.

როგორც იტალიური გამოცემა La Gazzetta dello Sport იტყობინება, 29 წლის სენეგალელისთვის, "მანჩესტერ იუნაიტედთან" და "მანჩესტერ სიტისთან" ერთად "ბარსელონაც" იბრძოლებს.

კულიბალი "ნაპოლის" 2014 წელს, ბელგიური "გენკიდან" შეუერთდა. სერია A-ში ჩატარებული რამდენიმე შთამბეჭდავი სეზონის შემდეგ კულიბალი მსოფლიოში ერთ-ერთი ყველაზე მაღალშეფასებადი მცველია.

მისი კონტრაქტი ნეაპოლელებთან 2023 წლამდე მოქმედებს, პორტალი Transfermarkt კი მას 50 მილიონ ევროდ აფასებს.