მირალემ პიანიჩს მსურველები გამოუჩნდნენ

ევროპის წამყვანი კლუბები "ბარსელონას" ნახევარმცველით, მირალემ პიანიჩით დაინტერესდნენ. Sport-ის მიერ გავრცელებული ინფორმაციის თანახმად, საუბარი ლონდონის "ჩელსისა" და მილანის "ინტერზეა".

წყაროს ცნობით, "ჩელსიმ" და "ინტერმა" პიანიჩის შეძენის სურვილი გამოთქვეს. თუ ბოსნიელი შუახაზელი "ბლაუგრანას" დატოვებას გადაწყვეტს, ხსენებული კლუბები შემოთავაზების გასაკეთებლად მზად იქნებიან.

იმავე წყაროს ინფორმაციით, პიანიჩი, რომელსაც ბოლო პერიოდში ძალიან მცირე სათამაშო პრაქტიკა აქვს, "ბარსაში" ბედნიერი არაა. კატალონიური კლუბი 31 წლის ფეხბურთელთან განსაშორებლად მზადაა. განიხილება იჯარის ვარიანტიც. მხარეები საბოლოო გადაწყვეტილებას ამ სეზონის დასრულების შემდეგ მიიღებენ. ისინი, ამჟამად, სიმშვიდეს ინარჩუნებენ.

მირალემ პიანიჩმა მიმდინარე სეზონში მონაწილეობა 28 თამაშში მიიღო. მან მოედანზე 1 275 წუთი გაატარა.