ბარსელონა მზადაა, მირალემ პიანიჩი ჟორჟინიოს ბარტერში ჩართოს
კატალონიის "ბარსელონას" ნახევარმცველმა, მირალემ პიანიჩმა, შესაძლოა, გუნდი მომავალი ზაფხულის სატრანსფერო ფანჯარაზე დატოვოს.
ახლა კი, Sport-ის ინფორმაციით, "ბარსას" სურს, ბოსნიელი ფეხბურთელი ლონდონის "ჩელსის" ბრაზილიელ შუახაზელში, ჟორჟინიოში გაცვალოს. თავის მხრივ, ადრე გავრცელებული ცნობებით, პიანიჩის შეძენით "ლურჯებიც" ინტერესდებიან.
წყაროს ცნობით, მიმდინარე სეზონში ჩატარებული 28 შეხვედრის განმავლობაში, ბოსნიელმა მოედანზე მხოლოდ 1278 წუთი დაჰყო. ბოლოს მან მარტის შუა რიცხვებში, პსჟ-სთან ჩემპიონთა ლიგის განმეორებით მატჩში ითამაშა. მას შემდეგ, მირალემი 2 თვეა, მწვანე მინდორზე არ გამოჩენილა.
როგორც თავიდანვე გამოჩნდა, პიანიჩი რონალდ კუმანის გეგმებში არ შედის და, შესაბამისად, ამ უკანასკნელის "ლურჯ-ბროწეულისფერთა" სათავეში დარჩენის შემთხვევაში, 31 წლის მოთამაშის წასვლის შანსები გაიზრდება.
ამ სიახლეზე კომენტარები გათიშულია.
კომენტარები [ 3 ]