ერთადერთი კლუბი, რომელმაც ჩემპიონთა ლიგა კაცებშიც მოიგო და ქალებშიც
გუშინ "ბარსელონას" ქალთა გუნდმა ჩემპიონთა ლიგა მოიგო, რისი წყალობითაც "ბარსა" ერთი უნიკალური მიღწევის შემოქმედი გახდა.
"ბარსელონა" ერთადერთი კლუბია, რომელსაც ჩემპიონთა ლიგა როგორც კაცებში, ასევე ქალებში აქვს მოგებული. გუშინ "ბარსა" და "ჩელსი" ერთანეთს ამ მიღწევისთვისაც ეჯიბრებოდნენ - გამარჯვებული ამ უნიკალურ შედეგსაც დაესაკუთრებოდა. თუმცა ბრძოლა არ შედგა და "ბარსამ" პირველივე ტაიმში 4-0 მოიგო.
უახლოეს მომავალში იმავეს გამეორების ყველაზე კარგი შანსი სწორედ "ჩელსის" აქვს. იმ გუნდებს შორის, რომლებსაც ჩემპიონთა ლიგა ერთ სქესში უკვე მოგებული აქვთ, საპირისპირო სქესში ყველაზე კარგი გუნდი სწორედ ლონდონელებს ჰყავთ.
ასევე აღსანიშნავია, რომ "ბარსელონას" ასევე მოგებული აქვს მე-3 ჩემპიონთა ლიგაც - ახალგაზრდული.
აღვნიშნავთ იმასაც, რომ "ბარსელონა" ქალთა ჩემპიონთა ლიგის პირველი ესპანური გამარჯვებული გახდა. სხვა ესპანურ გუნდს ფინალშიც კი არასდროს უთამაშია.
ამ სიახლეზე კომენტარები გათიშულია.
კომენტარები [ 5 ]