ჟოან ლაპორტა: გუნდის განახლებაზე ვმუშაობთ
"ბარსელონას" პრეზიდენტმა, ჟოან ლაპორტამ, კატალონიური სპორტის ფესტივალზე გამოსვლისას, განაცხადა, რომ გუნდში ახალი ერა იწყება.
გალა დაჯილდოებაზე "ბარსას" ქალთა გუნდმა კატალონიის წლის საუკეთესო ქალთა გუნდის წოდება მოიპოვა. ლაპორტამ ეს განცხადება სწორედ პრიზის მიღების შემდეგ გააკეთა.
"ბარსას" ქალთა გუნდი თითოეული კატალონიელის სიამაყეა. რაც შეეხება მამაკაცთა გუნდს, ერთი ეპოქა დასრულდა, ახლა, გუნდის განახლებაზე ვმუშაობთ.
მომდევნო კვირიდან კონკრეტულ გადაწყვეტილებებს მივიღებთ. ჩვენ გვჭირდება კონკურენტუნარიანი გუნდი, რომელიც ჩემპიონთა ლიგისა და ლა ლიგისთვის იბრძოლებს. როდესაც ვამბობ, რომ ერთი ეპოქა დასრულდა და განახლების პროცესში ვართ, ამას ვგულისხმობ კიდეც.
რამდენიმე დღის წინ, "ბარსა ფემენიმ", ისტორიაში პირველად, ჩემპიონთა ლიგის ტიტული მოიპოვა.
ამ სიახლეზე კომენტარები გათიშულია.
კომენტარები [ 7 ]