ხვალ ბარსელონას წარმომადგენლები შეხვედრას გამართავენ | Cadena SER

Cadena SER-ის ინფორმაციით, ხვალ, 20 მაისს კატალონიის "ბარსელონას" წევრების შეხვედრაა დაგეგმილი, სადაც ისინი მომავალი სეზონისთვის კლუბის ბიუჯეტსა და ფინანსურ საკითხებს დაამტკიცებენ.

ასევე, როგორც ხსენებული წყარო იტყობინება, "ლურჯ-ბროწეულისფერთა" წარმომადგენლებმა, შესაძლოა, ევროპის სუპერ ლიგის თემა განიხილონ, რომელიც ამჟამად შეჩერებულია, და საბოლოო გადაწყვეტილება მიიღონ.

ზემოაღნიშნული ტურნირი მიმდინარე წლის 18 აპრილს შეიქმნა, თუმცა ორი დიდი საფეხბურთო ორგანიზაციის, FIFA-სა და UEFA-ს წინააღმდეგობის გამო, მისი მომავალი ბუნდოვანია.