აგუეროს პრეზენტაციის თარიღი ცნობილია | Cuatro

რამდენიმე დღის წინ გავრცელდა ინფორმაცია, რომ სერხიო აგუეროს "ბარსელონაში" ტრანსფერი გადაწყვეტილია. მხარეები ყველა დეტალზე შეთანხმდნენ და არგენტინელის კატალონიურ კლუბში გადმოსვლა ჩემპიონთა ლიგის ფინალის, ანუ 29 მაისის შემდეგ გაოფიციალურდება.

ცოტა ხნის წინ კი Cuatro-მ ტრანსფერის დამატებითი დეტალები გაავრცელა. ესპანური გამოცემის ცნობით არგენტინელი წლიურად 5 მილიონ ევროს მიიღებს. საუბარია ხელფასზე გადასახადების გადახდის შემდეგ, ეს კი იმას ნიშნავს, რომ "ბარსელონას" აგუეროს ანაზღაურება უფრო მეტი დაუჯდება. იმავე წყაროს მტკიცებით 32 წლის სამხრეთ ამერიკელი ვარსკვლავის პრეზენტაცია 5 ივნისს "კამპ ნოუზე" შედგება.