Le Parisien: მამა და ძმა მესის პსჟ-ში გადასვლაში არწმუნებენ

"ბარსელონას" კაპიტნის, ლიონელ მესის მომავალი გაურკვეველია და მედიაში სხვადასხვა ცნობები ვრცელდება.

ფრანგული გამოცემა Le Parisien-ის ინფორმაციით, არგენტინელი მიჩვეულია იმ ფაქტს, რომ კონტრაქტის საკითხს მამამისთან, ხორხე მესისთან განიხილავს, რომელიც მისი აგენტის ფუნქციებს ასრულებს და ასევე თავის ერთ-ერთ ძმასთან. ისინი კი ლეოს "პარი სენ-ჟერმენში" გადასვლაში არწმუნებენ.

წყაროს ცნობით, პარიზული კლუბი 33 წლის ფეხბურთელს იმაზე მეტ ხელფასს შესთავაზებს, ვიდრე ახლა "ბარსელონაში" იღებს. პსჟ ასევე მზადაა მესის კონტრაქტის გაფორმებისთვის ბონუსიც შესთავაზოს.