კოპა ამერიკას მხოლოდ 1 ქვეყანა უმასპინძლებს
2021 წლის კოპა მერიკის მასპინძელ ქვეყნებად არგენტინა და კოლუმბია იყო არჩეული. თუმცა, სხვადასხვა სანდო საინფორმაციო წყაროს, მათ შორის Marca-ს მიხედვით, ერთადერთ მასპინძელ ქვეყნად არგენტინა დარჩება.
კოლუმბიაში არსებული მძიმე პოლიტიკური ვითარების ფონზე ეს ქვეყანა კოპა ამერიკას ვეღარ უმასპინძლებს. ოფიციალური გადაწყვეტილების მისაღებად სამხრეთ ამერიკის საფეხბურთო ასოციაცია - CONMEBOL ოფიციალურ სხდომას ხვალ გამართავს და პასუხს საჯაროდ გამოაცხადებს.
მშობლიურ მიწაზე ეროვნული ნაკრების რიგებში პირველი ტიტულის მოგებისათვის ეს მესისთვის კიდევ ერთი შანსი იქნება.
კოპა ამერიკა 2021, რომელშიც მონაწილეობას 10 ქვეყნის ეროვნული ნაკრები იღებს, 13 ივნისს უნდა დაწყებულიყო, მაგრამ ახალი ამბის შემდეგ, შესაძლოა, ჩემპიონატის საწყისმა თარიღმაც მცირედით გადაიწიოს.
ამ სიახლეზე კომენტარები გათიშულია.
კომენტარები [ 6 ]