MD: კუმანის წასვლის შემთხვევაში დეპაის ტრანსფერი ჩაიშლება

"ლიონის" თავდამსხმელის, მემფის დეპაის "ბარსელონაში" ტრანსფერი, შესაძლოა, ჩაიშალოს.

Mundo Deportivo-ს ინფორმაციით, 27 წლის ნიდერლანდელი ფეხბურთელი კატალონიურ კლუბში იმ შემთხვევაში არ გადავა, თუ მისი თანამემამულე, რონალდ კუმანი "ბლაუგრანას" მთავარი მწვრთნელის პოსტს დატოვებს.

დეპაის ასევე შეთავაზება ტურინის "იუვენტუსისგანაც" აქვს, რომლის პირობებიც, ფინანსური კუთხით, იმაზე უკეთესია, ვიდრე "ბარსელონა" სთავაზობს.

შეგახსენებთ, რომ დეპაი ზაფხულში თავისუფალი აგენტი გახდება და ის უფასოდ ხელმისაწვდომი იქნება.