ჯანლუიჯი დონარუმასთვის ბრძოლაში "იუვენტუსი" ლიდერობს

"მილანის" მეკარის, ჯანლუიჯი დონარუმას ახალი კლუბი თითქმის ცნობილია.

22 წლის კარის დარაჯი "როსონერის" რიგებს თავისუფალი აგენტის სტატუსით დატოვებს და მის მიმართ ინტერესს "ბარსელონაც" იჩენს, თუმცა როგორც იტალიელი ჟურნალისტი, ნიკოლო სკირა იტყობინება, ტურინის "იუვენტუსი" დარწმუნებულია, რომ დონარუმას გაიფორმებს.

წყაროს ინფორმაციით, "ბებერი ქალბატონი" იტალიელის აგენტთან, მინო რაიოლასთან მოლაპარაკებებს ზამთრიდან მოყოლებული აწარმოებს და პირობები უკვე შეთანხმებული აქვს: კონტრაქტი 2026 წლამდე, წლიური ანაზღაურება კი 10 მილიონი ევრო.