Puma ბარსელონასთან თანამშრომლობის სურვილს გამოთქვამს

ARAesport-ის ინფორმაციით, გერმანული კორპორაცია, Puma "ბარსელონას" სპონსორობის სურვილს გამოთქვამს.

აღსანიშნავია ის ფაქტი, რომ ზემოხსენებული კომპანიის კონკურენტთან, Nike-თან "ლურჯ-ბროწეულისფერები" 1998 წლიდან თანამშრომლობენ. ამჟამინდელი კონტრაქტი 2026 წლამდეა გათვლილი.

ნახსენები წყაროს ცნობით, მიუხედავად იმისა, რომ ხელშეკრულებაში ჯერ კიდევ 5 წელია დარჩენილი, მხარეებს შეხვედრა სურთ.

ამჟამად Nike "ბლაუგრანას" წლიურად 105 მილიონ ევროს უხდის. ეს რაოდენობა, შესაძლოა, 155 მილიონამდე გაიზარდოს, თუმცა კლუბს პირობების კიდევ ერთხელ გადახედვა სურს.