ჟორდი ალბას ინტერვიუ | Radio Marca

"კაპიტნის სამკლაურის ტარება არ მზაფრავს. პირიქით, ეს სიამაყეს მმატებს. ეროვნული ნაკრების კაპიტნობა უდიდესი პატივია, იმისდა მიუხედავად, რომ ეს გარკვეული დაუგეგმავი მიზეზების გამო მოხდა. როდესაც ახალგაზრდა ვიყავი, რამოსი და ბუსკეტსი მეხმარებოდნენ ხოლმე, ახლა თავადაც შევეცდები იმავეს გაკეთებას."

"ნაკრებში ბევრი გასაოცარი ნიჭის მქონე ახალგაზრდა და მათზე შედარებით გამოცდილი მოთამაშეა. ისინი ძალიან მაღალი დონის ფეხბურთელები არიან. ევროპის ჩემპიონატის მოსაგებად ერთმანეთის მიმართ დადებითად განწყობილი ადამიანების ყოლაა საჭირო."

"ბუსკეტსის სახლში დროებით წასვლა არ გაგვკვირვებია. ჩვენ ყველა წესსა და რეგულაციას ვიცავთ, რითაც ინფიცირებისაგან თავის არიდებას მაქსიმალურად ვცდილობთ. ბუსკეტსის ამბავი ჩვენთვის არასასიამოვნო იყო. მიუხედავად ამისა, ის როგორც შეგვეძლო გავამხნევეთ და მალე დაბრუნება ვუსურვეთ."

"ბევრი ისეთი რამ არსებობს, რაც ჩვენზე არაა დამოკიდებული და ამას ბოლომდე ვერც თავად ვიაზრებთ. ბუსკეტსი მსოფლიოს საუკეთესო ცენტრალური ნახევარმცველია, ის უბრალოდ შეუცვლელი და შეუდარებელი ფიგურაა. ხალხის აზრით, მძიმე მდგომარეობაში ვართ, მაგრამ ჩვენ ვცდილობთ, რომ ევროპის ჩემპიონატისთვის ამაზე სასაუბრო მიზეზი საერთოდ არ დავტოვოთ."

"ლუის ენრიკესთან მშვენიერი ურთიერთობა მაქვს. მასთან პრობლემა არასდროს შემქმნია. სხვადასხვა მიზეზის გამო კაპიტანი მე ვარ, მაგრამ გუნდში სხვა მნიშვნელოვანი ფეხბურთელებიც არიან."

"დასამტკიცებელი არაფერი მაქვს, ყველაფერზე რიცხვები მეტყველებს. მე ყოველთვის ბოლომდე ვიხარჯები, როგორც მოედანზე, ისე ვარჯიშზე."

"ბარსას" ყველა ტრანსფერით მოვიხიბლე. რონალდი კარგად მუშაობს და მჯერა, მომდევნო სეზონშიც უფრო გავუმჯობესდებით. ის კიდევ ერთი წლით დარჩენას ნამდვილად იმსახურებდა."