ბრაზილია ემერსონის გარეშე და იოლი მოგებით იწყებს

კოპა ამერიკის 2021 წლის გათამაშება დაიწყო. პირველ შეხვედრაში მასპინძელი ბრაზილია ვენესუელას დაუპირისპირდა. შეხვედრა "სელესაოს" იოლი გამარჯვებით დასრულდა.

ტურნირის პირველი გოლი მარკინიოსმა 23-ე წუთზე გაიტანა. 64-ე წუთზე ნეიმარმა თერთმეტმეტრიანი ზუსტად შეასრულა, 89-ე წუთზე კი თავი გაბიგოლმაც გამოიჩინა და საბოლოო ანგარიში დააფიქსირა - 3-0.

მიმდინარე კოპა ამერიკაზე ბრაზილიის განაცხადში მხოლოდ ერთი "ბარსელონელია" - მარჯვენა მცველი ემერსონი. 22 წლის ფეხბურთელი მთელი შეხვედრის განმავლობაში სათადარიგოთა სკამზე იჯდა.

[media=https://www.youtube.com/watch?v=Xp2GUm68WUM]