ბარსას კოუტინიოს იჯარით გაშვება მოუწევს

"ბარსელონას" გუნდის ნახევარმცველის, ფილიპე კოუტინიოს ისევ იჯარით გაშვება მოუწევს. ამის შესახებ ინფორმაციას Sport ავრცელებს.

წყაროს ცნობით, კოუტინიოს ტრავმამ "ბარსას" მისი ტრანსფერიდან კარგი გასამრჯელოს მიღების შანსები თითქმის მოუსპო. ყველაფერი იმაზე მიუთითებს, რომ "ბლაუგრამას" მოუწევს, 29 წლის ფეხბურთელის საიჯარო გარიგება კიდევ ერთხელ შეათანხმოს, რათა კლუბი მინიმუმ ბრაზილიელის ხელფასის გადახდისგან გათავისუფლდეს.

კოუტინიომ გასულ სეზონში მხოლოდ 14 მატჩი ჩაატარა, რომლებშიც 3 გოლი და 2 ასისტი მიითვალა.

"ბარსას" იგივე სიტუაცია აქვს სამუელ უმტიტისთან და უსმან დემბელესთან დაკავშირებით. ამ უკანასნელმა დაზიანება ახლახან მიიღო, რის გამოც იგი ევროპის ჩემპიონატზე ვეღარ ითამაშებს.