მარტინ ბრეითუეიტს ინგლისიდან რამდენიმე მსურველი გამოუჩნდა | Diario Sport

Diario Sport-ის ინფორმაციით, კატალონიის "ბარსელონას" თავდამსხმელით, მარტინ ბრეითუეიტით ინგლისური კლუბები ინტერესდებიან.

წყაროს ცნობით, დანიელი ფეხბურთელის შეძენის სურვილს "ვესტ ჰემი", "ბრაიტონი", "ბარნლი" და "ნორვიჩი" გამოთქვამენ.

30 წლის შემტევმა უკვე იცის, რომ მიმდინარე ზაფხულში "ბლაუგრანას" დატოვება და ახალი გუნდის ძიება მოუწევს, ამ პროცესს კი მისი ევრო 2020-ზე კარგი თამაში აადვილებს.

"ლურჯ-ბროწეულისფერებს" სურთ, "ლეგანესის" ყოფილ მოთამაშეში გადახდილი თანხა, 18 მილიონი ევრო, ნაწილობრივ მაინც დაიბრუნონ.

ბრეითუეიტმა გასულ სეზონში, "ბარსას" მაისურით, ყველა ტურნირის ეგიდით, 42 მატჩში 7 გოლი და 4 ასისტი მიითვალა. მისი ამჟამინდელი კონტრაქტი 2024 წლამდეა ძალაში.