Marca: ილაიშ მორიბას ხელფასის გაზრდა სურს
"ბარსელონას" 18 წლის ფეხბურთელს, ილაიშ მორიბას, ანაზღაურების გაზრდას სურს, იტყობინება Marca.
მადრიდული გამოცემა წერს, რომ მხარეებს შორის გამართულ ბოლო შეხვედრაზე კლუბმა მას ახალი, 5-წლიანი ხელშეკრულება შესთავაზა, რომელიც ხელფასის ოდენობის თანდათანობით ზრდას 2022/23 წლების სეზონიდან ითვალისწინებს, რაც მორიბას მოთხოვნებს არ შეესაბამება.
მორიბას მოქმედ კონტრაქტს ვადა 2022 წელს ეწურება. სავარაუდოდ, მას შეთავაზება რამდენიმე ინგლისური კლუბისგანაც ექნება, თუმცა ფეხბურთელს სურდა, რომ პირველ რიგში "ბლაუგრანას" წინადადება მოესმინა, რადგან მის პრიორიტეტს კარიერის კატალონიაში გაგრძელება წარმოადგენს.
ჯერჯერობით, უცნობია, დათანხმდება იგი "ბარსელონას" შეთავაზებას თუ მოლაპარაკებებს პრემიერ ლიგის კლუბებთან დაიწყებს, რომლებიც მისი ფინანსური მოთხოვნების შესრულებას დათანხმდებიან.
ამ სიახლეზე კომენტარები გათიშულია.
კომენტარები [ 13 ]