ილაიშ მორიბას დაქვეითება ემუქრება

კატალონიური Sport-ის ჟურნალისტი, ჟერმან ბონა ილაიშ მორიბასთან დაკავშირებით ახალ ინფორმაციას ავრცელებს. 

ახალგაზრდა ნახევარმცველთან მიმართებაში "ბარსელონას" ხელმძღვანელებისა და კერძოდ ჟოან ლაპორტას პოზიცია საკმაოდ მკაცრია. კლუბი მორიბას კონტრაქტის გახანგრძლივებას სთავაზობს, უარის შემთხვევაში კი მას "ჟუვენილ A-ში" დააქვეითებს, რომელიც "ბარსას" იერარქიაში მესამე გუნდია და ძირითადად 19-წლამდელებით არის დაკომპლექტებული. 

ილაიშმა პრესეზონისთვის მზადება "ბარსა ბ-სთან" ერთად დაიწყო, მიუხედავად იმისა, რომ წინა სეზონში თავის გამოჩენის გამო 18 წლის მოთამაშის წარმომადგენლები მის პირველ გუნდში დაწინაურებას ელოდნენ.