შესაძლო გაცვლა ბარსასა და მილანს შორის
"ბარსელონამ" და "მილანმა" შესაძლოა ფეხბურთელების გაცვლაზე დაიწყონ მოლაპარაკებები. ამის შესახებ ინფორმაციას Sport ავრცელებს.
საუბარია ფილიპე კოუტინიოსა და ალესიო რომანიოლის შესაძლო ბარტერზე.
წყარო გვიყვება, რომ "როსონერი" კოუტინიოს შეძენით ინტერესდება. იტალიელები მას ჰაქან ჩალჰანოღლუს შემცვლელად მოიაზრებენ, რომელიც თავისუფალი აგენტის სტატუსით "ინტერს" შეუერთდა.
"ბლაუგრანა" კი მარცხენა ფეხით მოთამაშე ცენტრალურ მცველს ეძებს, რომელსაც ფლანგზე თამაშიც შეუძლია. სწორედ ამ პროფილის ფეხბურთელია "როსონერის" უკანახაზელი ალესიო რომანიოლი. იტალიელს კლუბთან კონტრაქტი მომდევნო ზაფხულში უმთავრდება და მისი გახანგრძლივება არ სურს.
Sport წერს, რომ ორივე მხარისთვის გაცვლა იდეალური ვარიანტი იქნება - "ბარსა" მაღალი ანაზღაურების მქონე ფეხბურთელს გაასხვისებს, "მილანი" კი მოთამაშის უფასოდ გაშვებას აიცილებს თავიდან.
ფაბრიციო რომანო კი ამ ინფორმაციას უარყოფს.
ამ სიახლეზე კომენტარები გათიშულია.
კომენტარები [ 14 ]