რონალდ კუმანი ნიკო გონსალესს სერხიო ბუსკეტსის შემცვლელად მოიაზრებს | Sport

კატალონიის "ბარსელონას" ახალგაზრდა ფეხბურთელმა, ნიკო გონსალესმა "ჟიმნასტიკთან" გამართული (4-0), პრესეზონის პირველი მატჩი გამოტოვა, თუმცა მეორეში ("ჟირონასთან", 3-1) სასტარტო შემადგენლობაში მოგვევლინა.

Sport-ის ინფორმაციით, "ბლაუგრანას" თავკაცი, რონალდ კუმანი 19 წლის მოთამაშეზე დიდ იმედებს ამყარებს და მომავალში, საყრდენი ნახევარდაცვის პოზიციაზე, სერხიო ბუსკეტსის შეცვლის მთავარ კანდიდატად მიიჩნევს.

გონსალესს, რომელიც ამჟამად სარეზერვო გუნდის წევრია, "ლურჯ-ბროწეულისფერებთან" მოქმედი კონტრაქტი 2024 წლამდე აკავშირებს.