ხვალინდელი შეხვედრის სავარაუდო შემადგენლობა Sport-ის ვერსიით
ხვალ "ბარსელონა" "მერსედეს ბენც არენაზე" პრესეზონის მესამე ამხანაგურ შეხვედრას "შტუტგარტის" წინააღმდეგ გამართავს.
Sport-მა ამ თამაშის სავარაუდო სასტარტო შემადგენლობა დაასახელა, სადაც ახალწვეულებიდან მხოლოდ მემფის დეპაის ვხედავთ. ესპანურ გამოცემას თუ დავუჯერებთ ხვალ მემფის დეპაისათვის პირველი მატჩი იქნება, სადაც ნიდერლანდელი ძირითადიდან დაიწყებს.
სავარაუდო XI შემდეგნაირად გამოიყურება:
ნეტუ, დესტი, ლანგლე, პიკე, ბალდე, ნიკო გონსალესი, დე იონგი, სერჟი რობერტო, დემირი, გრიზმანი, მემფისი.
გერმანულ ტურნეს კატალონიელები "შტუტგართან" შეხვედრით იწყებენ, მეორე მატჩს ისინი 4 აგვისტოს "ზალცბურგის" წინააღმდეგ გამართავენ. ლა ლიგის დაწყებამდე კი ბოლო მატჩი გამპერის თასის შეხვედრა იქნება, სადაც "ბარსა" "იუვეს" იოჰან კრუიფის სახელობის სტადიონზე უმასპინძლებს.
ამ სიახლეზე კომენტარები გათიშულია.
კომენტარები [ 6 ]