მარტინ ბრეითუეიტი ბარსასგან ზეწოლას არ გრძნობს

"ბარსელონას" დანიელი თავდამსხმელი, მარტინ ბრეითუეიტი, კლუბისგან წასვლასთან დაკავშირებით ზეწოლას არ გრძნობს. ამ ინფორმაციას Mundo Deportivo ავრცელებს.

წყაროს თანახმად, "შტუტგარტის" წინააღმდეგ მარტინის უთამაშებლობა მხოლოდ შემთხვევითობა იყო და ეს იმას არ ნიშნავს, რომ ფეხბურთელი გუნდის გეგმებში არ შედის.

MD-ს ცნობით, "ბარსაში" ფიქრობენ, რომ 30 წლის შემტევის შენარჩუნება, მისი დაბალი ანაზღაურების გამო, დიდი პრობლემა არ იქნება. თავად ფეხბურთელის პოზიციაც უცვლელია - მას კონტრაქტი 2024 წლამდე აქვს და წასვლაზე მხოლოდ იმ შემთხვევაში იფიქრებს, თუ ხელსაყრელ პირობებს შესთავაზებენ. ამასთან, შეთავაზება "ბლაუგრანასთვისაც" დამაკმაყოფილებელი უნდა იყოს.

ბრეითუეიტის მიმართ ინტერესს რამდენიმე ინგლისური კლუბი იჩენს, თუმცა მათ "ბარსასთვის" ოფიციალური წინადადებით არ მიუმართავთ.