მემფის დეპაი: ბარსელონაში ტიტულების მოსაგებად მოვედი
"ბარსელონას" თავდამსხმელმა მემფის დეპაიმ Esport3-თან რამდენიმე საინტერესო საკითხზე ისაუბრა.
"ბარსელონაში" ტიტულების მოსაგებად გადმოვედი. "ბლაუგრანა" დიდი ისტორიის მქონე შესანიშნავი კლუბია. აქ ფეხბურთელები ტიტულების მოგებას ეჩვევიან. სწორედ ამიტომ მოვედი, გუნდის დასახმარებლად ტიტულების მოპოვებაში.
გოლის ჩემეული აღნიშვნა? ეს ბრმა და ყრუ მსოფლიოსთვისაა - ვერაფერს ვგრძნობ, ვერაფერს ვხედავ, ფოკუსირებული ვარ. ვფიქრობ, ცხოვრებაში ზოგჯერ მნიშვენლოვანია, იყო კონცენტრირებული, რათა ყურადღების გაუფანტავად საკუთარი თავის საუკეთესო ვერსიის წარმოჩენა შეძლო.
გრიზმანი? მოედანზე ის მე მეძებს, როდესაც თავისუფალ სივრცეში აღმოვჩნდები და მეც მის მოძბენას ვცდილობ. იგი შესანიშნავი ტექნიკისა და ინტელექტის მქონე ფეხბურთელია. ჩვენ ერთმანეთს კარგად ვუგებთ.
მესისთან თამაში ჩემი ოცნებაა, რაც, იმედი მაქვს, მალე ამიხდება. ამას მოუთმენლად ველი.
- განაცხადა მემფისმა.
მემფის დეპაი "ბლაუგრანას" ამ ზაფხულში "ლიონიდან" უფასოდ შეუერთდა. ნიდერლანდელმა შემტევმა მონაწილეობა პრესეზონის ბოლო 2 მატჩში მიიღო და 2 გოლი გაიტანა.
ამ სიახლეზე კომენტარები გათიშულია.
კომენტარები [ 8 ]